Чурээвисте кады чоруур авыралдыг эргим авам АЙЛАҢ КУШ ДЕГ АВАМ
Кунгаалай Нинеля
Заявка № 8 - Международного журналистского фестиваля-конкурса "Посвящаю маме. Авамга тураскааттым"
«Ава чорда авырал, ада чорда азырал»
Ава кижи хүн бүрүде ажы-тѳлү дээш сагыжы аарып, экти бүдүн, хырны тодуг, онча-менди кадык бе- деп, дүвүрепле чоруур. Шак-ла ындыг аваларның бирээзи мээн авам, Светлана Лопсановна -Хемчик кызы. Авам аныяк үезинде бо кожуунга ажылдап чедип келгеш, амыдыралчуртталгазын туда берген. Белин ашкан чоон- кара чаштыг, «Айлаң куш дег» хоюг үннүг, чаражын кижи магадап ханмас. Авам черле анаа орбас, бир-ле чүве кылганда аянналдыр ырлап орар. Ол кончуг ыраажы артист-даа эвес, бодунуң ишти-хѳңнү уян кижи. Авамның авазы, авам бичии турда-ла чок апарган, ооң ужурундан-на боор, ырлап-ырлап бүдүү карааның чажын чодуп орарын бо-ла эскерер турган мен. «Сагыштыыры-биле ажыдар, мээң ишти-хѳңнүм - дыр» деп органын сактыр мен. «Ажылынга безин, ырлап оргаш ажылын кылыр»- деп, кады ажылдап турган эш-ѳѳрү бо-ла чугаалай бээр. Ѳртемчейде бүгү-ле чүве тѳнер тѳнчүлүг, ѳлүр тынныг. Ооӊ-биле катай, эң-не эргим чоок кижи– Ава, база бистен чарлып чоруй баар үези турар. Авам ам чок, «бурганнап» чоруй барган. Ынчалза-даа авамның чырык ады, чагыг-сѳзү амыдыралымда оруум айтыр сылдызым. Ынчангаш, бичии-даа халас үе эрттирбейн, аваларга эргеленип, чылыг-чымчак сѳстерни сѳглеп, ханы бодал сиңниккен хоюг карактарынче кѳрүп, ажылга дадыгып быжыга берген чылыг, чымчак холун тудуп, тѳнчү чок ынакшылыңар илередип, мѳгейип чоруңар! Часкарып кээр, айызап кээр, Авамайның ырылары: Амыдырал-чуртталганы чаяап берген Авыралдыг Авам күжүр чок-даа болза Амдыы чаа-ла ырлап чораан ырылары, Часкарып кээр, айызап кээр ховар күштүг.
#посвящаю_маме
#авамга_тураскааттым